何廣沛撐「女友」：套劇好值得尊重
與朱晨麗合作無綫劇集《超時空男臣》而傳緋聞的何廣沛，對於緋聞女友爆Seed回應網民，他說：「網上嘅評論我就冇睇到，所以唔多清楚，但係《特技人》呢套劇真係好值得我哋做幕前幕後去睇、去支持，套劇想表達嘅意思值得我哋去尊重。其實奶仔（方紹聰）呢一場戲大可以用替身去拍，但佢都堅持親身上陣勇氣可嘉，值得敬佩！」
另外，何廣沛日前一支公現身中環，沿途見他拿着電話邊行邊講，但仍可騰出一隻手狂撳另一部電話，一心二用果然犀利！急急腳步往停車場期間，他仍然機不離手喪傾，最後獨自駕車走人，莫非約咗朱朱？