陳曉華被封「爛口港姐」繼續做自己
出爐港姐冠軍陳曉華當選即被翻舊帳，指她與「前度」狄以達拍拖時在食肆爆粗，被網民封為「爛口港姐」！她昨日解釋不會無故爆粗，平日也不多講粗口。
《2018香港小姐競選》冠軍陳曉華、亞軍兼「最上鏡小姐」鄧卓殷、季軍丁子田及「友誼小姐」陳靜堯，昨日在將軍澳電視城會晤傳媒。陳曉華前晚得獎後為官方刊物拍照到凌晨才返回佐敦寓所，獲父母到樓下迎接，她指比賽後很肚餓，最想食菜慶祝。昨日她受訪指回家後有驚喜，一班朋友在等候，傾偈到六時才上床睡覺：「因為太夜，最後食即食麵慶祝，係參選之後第一次食。」
「平時唔多講」
有報道重提陳曉華與「前度」狄以達拍拖時在食肆爆粗，她說：「嗰陣都有同達仔討論過，唔係，唔會無緣無故爆粗，平時都唔多講粗口。」對於被網民指是「爛口港姐」，她說：「網民有時睇咗一、兩篇報道先入為主，自己會睇開啲，言行都會小心啲，但係都會做番自己。」又坦言沒收到狄以達短訊祝賀，但相信將來有機會在電視城碰到，並指不會約食飯慶祝，大家少聯絡。而狄以達則簡單回覆：「TVB撞到先親口恭喜啦！」對於薛家燕祝賀，陳曉華表示不認識家燕姐，但也多謝留意。談到坐上冠軍寶座走光露底，她說：「我有打底嘅！」
網友戥鄧卓殷不值
鄧卓殷受訪指回家後吃杯麵慶祝，對於未能奪冠，有網友戥她不值，她認為亞軍已經超出想像，因沒想過入三甲。她又透露男友在外地讀書，兩人拍拖六年彼此信任，問到男友可放心她加入娛樂圈？她說：「佢對我好有信心，大家一齊六年，關係維持得好好。」問到陳曉華平日可有爆粗？鄧卓殷說：「冇乜，大家平日都好斯文，可能有時睇吓情緒，大家都唔會講嘅。」丁子田則覺得自己在問答環節表現欠佳，能入三甲已感恩，甘草演員丁主惠是其姑媽，對她獲獎感驕傲。