藝人麥美恩（Mayanne）早前為周大福拍攝廣告，以徐小鳳的黑白波點裙懷舊造型亮相，笑言被艷麗形象嚇倒！Mayanne穿上迷人復古連身裙，女人味爆燈，以卡通角色米奇配襯整個造型，自言是粉絲的她說：「有朋友話過我個樣好似米奇，耳仔大大，性格又係咁調皮，大家仲成日送米奇畀我，慢慢自己就愛上咗佢喇！今次拍廣告着住懷舊衫襯米奇首飾開正我個瓣，個形象既有女人味又得意，夠晒突破！」
