黃建東驚見鬼魂穿牆

藝人黃建東加入無綫前，曾在話劇團任舞台劇演員，踏入農曆七月，勾起了他一件恐怖經歷。他表示當年演出完一個大型舞台劇後，上台謝幕：「見到台下觀眾席最後一排，有個好怪嘅人企咗喺度，佢個身半透明，我可以望穿佢，見到後面幅牆，但又見到牆前面的確企咗個人喺度。」冷靜過後，他發現該男人依然存在：「我到依家仲好記得，佢係禿頭、着住恤衫，外面仲披住件冷衫。直到謝幕完畢，嗰個半透明男人擰轉身，然後行了兩步喺牆度消失咗。」事後他向女導演透露事件，對方得知該透明男人的特徵後一臉驚訝，指與其已故丈夫非常相似，可能是他到場欣賞太太作品。