鍾欣潼為錢入行留憾
組合Twins成員鍾欣潼（阿嬌）甫出道就爆紅，今年更榮升醫生太太，令不少人羨慕，不過她在內地節目中自爆是為錢入行，有個飄泊童年，與同母異父的妹妹關係疏離，提到已故爺爺時更眼泛淚光，相當淒涼。
今年12月將與台灣醫生賴弘國擺酒的阿嬌，日前接受內地綜藝節目《舉杯呵呵喝》訪問，跟主持邊食邊剖白心事。
「唔適合做呢行」
早已成為萬人迷的她，坦言從沒想過做藝人，當初踏足娛圈只為賺錢養家：「希望我家人可以過得好！自己性格唔適合做呢行，不過其實好鍾意演戲。」
她覺得人生最遺憾是欠缺一個有回憶的童年：「因為單親家庭出身，住喺唔同屋企到處漂泊，由幼稚園到小學轉咗7間學校，根本交唔到朋友，唔識同人溝通，而且身邊女比男多，所以一入行好怕同男仔講嘢，好怕醜！」她希望能回到20年前，再度經歷成長，如果將來當媽媽，最期望子女有個愉快童年。
不捨爺爺眼濕濕
談及家事，阿嬌有位年輕16年的同母異父妹妹，惟兩姊妹有隔膜，她說：「妹妹唔敢同我講嘢，兩姊妹有啲距離。」又展示手機中最不捨得刪除的是與爺爺的合照，她說因工作太忙：「當時冇花更多時間陪爺爺。」一度嗚咽眼濕濕。
對於她被指只得一個「靚」字，情緒智商低，阿嬌霸氣地說：「我情緒智商低又點？我就是要做番我自己！覺得我笨、我蠢，我就係咁樣！」