港版羅拉朱芊佩 搬運女神心動闖娛圈
前新聞主播柳俊江與被譽為香港最美運輸工人的「港版羅拉」朱芊佩（小朱），昨日出席滙豐保險啟動發布會。打扮斯文的小朱，跟粗豪的運輸Look截然不同，而且相當害羞，不時低頭及笑得腼腆。問到有否興趣入娛樂圈？她說：「依家都係做緊原本嘅嘢，但有機會可以試吓。（有冇表演慾？）冇乜。（唱歌、跳舞呢？）我比較怕醜。」主持問她對「承諾」有何看法？她認為最大的承諾是對家人，因要照顧年老父母及剛升大學的妹妹。
柳俊江忙到推Job
至於柳俊江表示跟太太的理財觀念不算好，故會找專人幫手。問到有否投資「磚頭」？他說：「總之乜嘢抵嘅就考慮買咩，多數都係睇銀行基金，比起股票唔算高風險。」問到會否再參與演藝工作？他表示公司業務忙碌，試過推掉主持工作。至於會否客串電影？他笑說：「我好高要求喎！之前都係做阿Sa（蔡卓妍）同Stephy（鄧麗欣）男友，其實拍戲花太多時間，要再睇情況。」
