關楚耀面紅：唔係淨係我揀人！

關楚耀指傅嘉莉與朱朱一剛一柔，各有特色。

Kelvin昨日到電台分享拍劇趣事，問到可有戲假情真愛上女主角朱晨麗？他說：「戲入面囉，唔係真。（現實唔鍾意朱朱？）冇話唔鍾意，佢好好，第一次同佢拍戲感覺好好，佢好搏命，劇入面係唯一一個女仔要跳樓、飛車同爆破，仲要劇接劇，有日佢拍到暈同中暑都頂硬上。（心痛？）唔係淨係我心痛嘅，全個劇組都係，好欣賞佢。（加晒分？）係。」

聞傅嘉莉落閘

提到他現時單身，何不力追朱朱做女友？Kelvin似曾被拒愛，他說：「唔係淨係我揀人。（人哋唔揀你？）我唔亂講啦，我拍戲咋。（見你面紅喎！）講兒女私情嘛。（咁同劇嘅傅嘉莉呢？）都好，但我依家冇諗呢樣嘢，做嘢先。（鍾意邊隻Style多啲？）佢哋一剛一柔，我鍾意剛柔並重。」Kelvin又坦言喜歡拍劇：「同台前幕後多時間相處，拍完一年都Keep住聯絡同食飯。（同朱朱？）係，不過同一大班演員一齊。」

關楚耀受訪時直認欣賞朱朱，更講到面紅。	朱晨麗有樣有身材，當然多人追。	關楚耀在劇中暗戀朱朱，難道現實中亦日久生情？

• 何廣沛

拍劇有火花

對於朱朱和何廣沛的緋聞，Kelvin表示曾與「情敵」在化妝間遇上：「我哋都係傾拍戲。（你定何廣沛好啲？）要問朱晨麗啦！」而朱朱得知Kelvin臉紅，回覆表示：「佢欣賞自己當然開心，佢都好有自己諗法，又拍戲又唱歌，今次仲係第一次拍劇，有唔少火花。你知佢好好戲啦，所以臨場畀咗呢個反應大家囉。」