黃芷晴爆男友奶茶氹掂老竇

藝人黃芷晴與樂隊Dear Jane昨日在旺角出席手錶活動，被問會否趁機揀手錶給男友？她說：「送都送畀爸爸（黃日華），佢就快57歲生，爸爸性格好悶，要求唔高，送錶已經好滿足。」她大爆男友氹得爸爸好開心：「佢送咗隻奶茶，好有茶餐廳味道，但爸爸怕醜，叫我代佢講多謝。」
黃芷晴笑爸爸易氹。
黃芷晴笑爸爸易氹。

而Dear Jean成員黃天翱（Tim）與太太楊洛婷早前購入逾二千萬清水灣豪宅，他說：「層樓係我哋送畀個女，收樓都等咗半年，攞鎖匙嗰吓真係幾開心，因為用咗好長時間儲錢買。」他否認有家底，更有意自己為牆身髹油，其他成員則打算親手做BB床做入伙賀禮，趁機催他再生。

Dear Jane大講BB經。
  • Dear Jane大講BB經。