藝人劉美君（Prudence）早前自爆已經一年冇拍拖，感情狀況令人關注，怎料她突然在社交網上載一張與「無綫御用有錢人」黃子雄手拖手的照片，立即震驚網民，她留言說：「所有事情，就算眼見都未必為實，有好多人會為事件捏造故事、加鹽加醋」，還強調「你係乜人咪諗乜嘢囉」，以及「我自己放相一定比啲狗仔靚。」
記者聯絡上劉美君，她否認戀情說：「唔係呀，我唔係拍拖呀！救命呀、嗰張相玩(O架)咋，我哋好Friend，由細識到大，冇可能（拍拖），係都唔會無端端拎出嚟啦。」其後再解釋上載照片的用意，是「因為嗰日喺商場有人影我哋，我哋咪自己影一張放上去（IG）囉，我想講嘅Message係好多人會因為一張相而幻想好多嘢，後果會好大。」及後再說：「佢都係單身，我哋兩個難得單身，兩個都係由細到大冇停過拍拖。」