藝人岑麗香昨日現身灣仔美食博覽，揚言可以邊工作邊食更開心。已為人妻的她，笑言以前煮食只為生存：「初初一個人自己照顧自己，要學多啲嘢去生存；依家做咗太太後，希望畀另一半幸福，初時煮嘢未必好食，希望慢慢進步好啲。」不過初入廚房卻發生不少蝦碌事件，番茄蛋湯煮成番茄蓉湯，要從頭再煮，又煎燶Pancake。問是否想谷肥老公強強？她說：「我要谷肥自己就真，好多人見親我就話我瘦咗，我覺得飽滿啲有福氣啲，肥得健康就OK。」
