藝人陳智燊昨午出席教育中心剪綵活動，他自爆入行前曾於親戚的補習社做補習老師。提到太太宋熙年快將生B，他表示：「都準備得七七八八。（到時親手剪臍帶？）呢樣嘢我真係好緊張，醫生已經不停同我講放鬆啲，佢話剪臍帶好簡單，就好似我今日剪綵咁o架咋，希望到時我『剪綵』順順利利啦，依家就想太太休息多啲。」
