郭富城留鬚「爸爸除」出晒嚟

天王郭富城與余香凝昨晚以國際電影節大使身份出席開幕禮。城城為拍戲留鬚，問到囡囡Chantelle見到可有嚇怕？慈父上身的他面露微笑說：「佢有摸我啲鬚，之前留白鬚佢就覺得恐怖，今次變黑就好親切，有爸爸陣除，仲會撩開我個嘴搞吓我！」Chantelle 9月就一歲生日，屆時會否開派對慶祝？他聞言冧笑，表示暫時要賣關子：「咁重要嘅日子都有同公司申請假期，希望有充裕嘅時間同家人慶祝。」