鄧麗欣甫相放閃甜到糖尿

唐詩詠在七夕派福利，熱戀中的女星鄧麗欣（Stephy）亦不甘寂寞，名正言順放閃。昨日她與陳庭欣、柏天男，到深水埗出席電影《L風暴》活動，與Fans玩遊戲。正與台灣男星王子拍拖的Stephy，在台上將「拍得愛情片多」講錯成「拍得拖多」，引來全場大笑。她受訪時自嘲太早起身條脷未熱身，提到七夕甫王子遮面照放閃，她說：「其實係咁啱，我以前情人節都會發啲甫祝大家快樂，只係依家狀態畀人覺得更Sweet，但我唔係特登。（有冇慶祝？）冇，所以甫吓相。」講到其Instagram帳戶只留下王子一人，她解釋：「之後會Follow番其他朋友，因為想控制人數，好多朋友話我最近放閃太多，話就嚟甜到糖尿，可能之後要控制吓，停一停。」