3歲定情歌「抱」得美人歸

跟隨中國傳統習俗，昨早嘉穎進行接新娘儀式，為娶得美人歸有求必應，畀開門利是後，在Grace的要求下，嘉穎唱出於1994年推出的歌曲《一千個願意》，當年她只得3歲，之後抱起老婆由走廊行入大廳，足足有200呎路程，然後二人向雙方家長進行斟茶儀式。
嘉穎抱起陳凱琳行足200呎，夠晒誠意！
嘉穎抱起陳凱琳行足200呎，夠晒誠意！

Grace受訪時指斟茶前十分擔心：「我唔知有咩要做，佢哋叫我坐喺房度，嘉穎會入嚟接新娘，會難為佢少少咁，要畀啲誠意！」又指老公到門口時，令她「毛管戙」大叫緊張：「我無啦啦諗到，不如叫佢唱《一》，係佢唱片入面一首歌，有次唱K佢唱呢首歌，我就覺得歌詞同我好貼切，首歌係講等一個天使出現，所以聽到特別Sweet，佢亦即刻明要唱邊首，呢個對我嚟講先係誠意，好窩心。」又指斟茶時令她覺得溫馨，感覺融入對方的家庭。

陳凱琳坦言斟茶給奶奶後，正式融入鄭家。
  • 陳凱琳坦言斟茶給奶奶後，正式融入鄭家。