周嘉莉施糧計激發愛犬鬥心

東網巨星節目《巨星Pet Pet》開播以來反應熱烈，新一集請來愛心爆棚的周嘉莉，同大家介紹領養得來的貴婦狗「牙牙」及白威狗「番薯」。兩隻狗狗共處一室相處融洽，但喜好及性格等卻是截然不同。

長期「攤屍」

「牙牙」活潑好動兼黐身，經常家中四周走動，閒時不停上落樓梯，見到心愛食物更主動飛撲過去，絕對是天生運動員。至於「番薯」則相反，較少親近主人，最愛睡覺，周嘉莉笑牠經常「攤屍」：「番薯真係好特別，我領養咗佢10年，但係到依家都仲係唔識跳，好多動作都做唔到，而且咁多年嚟都係好鍾意趴喺梳化瞓覺，仲要係長期攤屍咁攤喺度，真係冇佢咁好氣。不過有時見佢咁眼瞓都肯畀hand hand我，都會心軟放過佢嘅。」

「牙牙」好動四圍走，但最鍾意都係黐實主人。	放大圖片	平時「番薯」郁都唔郁，但一見「牙牙」走近主人，即衝上前爭食。

盼多運動

13歲的「番薯」及11歲的「牙牙」，雖然「不同來歷」，但漸漸受對方影響而改變。有次周嘉莉用零食引誘「番薯」奔向自己做運動，但牠全程懶理繼續「攤屍」，直至「牙牙」衝過來搶食，才激發起「番薯」鬥心爭埋一份，相當有趣。

《巨星Pet Pet》每集都邀得不同嘉賓，分享飼養寵物心得。張秀文、廖碧兒、楊秀惠及葉翠翠等先後亮相，其他藝人亦陸續登場！節目在東網App及東網網頁播放，大家可隨時隨地收看及重溫。

https://bit.ly/2OiAmnD