龔嘉欣裝假狗引人摸專拆祠堂！

無綫藝員黎耀祥、陳豪、李佳芯、龔嘉欣及麥明詩等，昨日在將軍澳電視城為新劇《殺手》進行造型及拜神儀式。飾演殺手的龔嘉欣以Punk Look亮相，剷青、紋身加上性感背心，造型突破，她笑說：「剷青我自己都接受唔到，依家都唔敢照鏡，剪頭髮嗰陣眼濕濕。我就嚟30歲，依家單身，睇嚟都仲要單身多一段時間！」

Pat Pat「生蛇」留疤

嘉欣表示劇中大部分動作戲都要親身上陣，絕招是攻男人下體：「同黎耀祥最多對打戲，所以祥哥好驚我，到時我唔知會唔會唔小心踢親佢！」又笑指劇中所有造型都性感，拍攝時上圍會連升兩Cup：「因為同祥哥有啲親密接觸，佢會觸摸到我身體，所以整勁啲等佢容易搵到！」早前患上帶狀疱疹（俗稱「生蛇」）的她透露仍未痊愈，容易感到疲倦，臀部更留有疤痕。

江美儀（左起）、李佳芯、龔嘉欣造型有驚喜，高海寧則與平日分別不大。	麥明詩做戲做全套，拎盲公竹之餘又要謝東閔傍實。	何遠東呢身打扮好妖艷！

陳豪同師奶鬥氣

至於轉為部頭合約的黎耀祥現時每年拍一部無綫劇集，自然有揀劇本，劇中飾演潦倒殺手，中年失意發福，但艷福不淺，他笑說：「除咗江美儀、龔嘉欣，仲有個女麥明詩，未試過有咁多女圍住我！」戴上假肚腩的他又笑說：「肚腩仔好易有，但後期講我發憤好Fit要處男騷腹肌，六舊腹肌係基本，最好有八舊啦，所以要用假肚。」現時留港拍劇，少了賺「人仔」的他笑指視錢財如糞土，拍劇要講緣分。提到內地因逃稅風波而徹查藝人稅款，他說：「通常香港演員同製作公司傾嘅係稅後嘅酬勞，所以調查對我哋都冇影響，同埋嗰啲幾十億嘅，幾時查到我哋！」

「殺手」陳豪玩手指槍。

李佳芯

此外，同樣演殺手的陳豪與師奶李佳芯是鬥氣冤家，他笑言獲監製厚待：「劇中仲一邊歎咖啡，一邊溝女。」