鍾浠文對住男友公主病發！

外表醒目的鍾浠文，原來好大頭蝦。

IG女神鍾浠文（Zelia）為東網巨星節目「海馬牌床褥特約」《閨蜜睡房》擔任新一輯嘉賓，與主持李惠儀（Kiwi）分享心事。她自嘲表面看似好叻、好高貴，但實際上好大懵，笑說：「我成日唔記得嘢，或者記錯日子，前排我化晒妝Set晒頭，準備出去做嘢，問公司我架車到未呀，點知同事好認真講：『車呀，聽日先到喎！』原來我記錯咗第二日嘅工作。」性格傻大姐的她自爆不想浪費妝容和髮型，在家中玩了一小時自拍。

最憎人講大話

已有穩定對象的她，直認在男友面前都會有公主病，笑說：「邊個女仔夠膽話冇呀！」坦言以前會毫無理由下亂發脾氣，但長大後已變得成熟：「我覺得最緊要溝通，否則一段關係好危險、好易散。」她慶幸男友細心，知道她大頭蝦，經常幫忙執手尾：「唔好睇我咁嘅樣，我唔係一個好女仔嘅女仔。」講到最不能容忍的事，Zelia直指是家人和朋友說謊：「我唔會講大話，身為公眾人物，我都盡量將最真實一面畀大家睇。」

睡衣唔見得人

穿露肩條紋裙亮相的她笑言當知道要穿睡衣，都考慮過一陣，因為她的睡衣都是「不能見人」，究竟係點呢？想知道更多Zelia的秘密，記得星期五、六、日收睇《閨蜜睡房》喇！

身為公眾人物，鍾浠文盡量展現最真實的一面。

鍾浠文與主持李惠儀分享心事。