王浩信自認揀「老婆」專一

藝人王浩信昨日出席寶馬香港50周年新車活動,身為愛車之人的他稱自從有了小朋友後,變得注重駕駛的安全性。問到會否買兩部車方便兩公婆出入?他說:「未必,YoYo(陳自瑤)都驚揸車,所以比較少揸,佢(囡囡)盡可能由我接載,但近日開劇都要交託畀YoYo照顧。」問到以前有否溝女戰車?他說:「我從來都冇,我份人比較實際,一架車可以揸6、7年,壞咗先會換車。」他又表示閒時會揸車帶女兒郊遊,但近日要開工,最近一次去郊遊是個多月前。豈不沒時間去暑假旅行?他說:「YoYo同咗佢去旅行,同埋一啲Family去。(你冇去,囡囡有冇扭計?)冇,佢好乖,早排唔使開工,日日屋企陪住佢,佢都見到我飽晒。」他稱女兒會畫畫送給他,至今已收到一百幅女兒的作品。

此外,楊洛婷為活動擔任司儀,她稱當年在美國16歲即考車牌,算是揸得「狼死」的人,又謂讀書時代有開快車,有過百公里時速,不過自從當了母親後就沒有開快車,會以安全為主。她稱女兒雖然得10個月大,但覺得她都愛揸車,見她坐上學行車雙腳不停行,見爸爸彈結他時手指又會不停動,遺傳音樂天分。