王浩信自認揀「老婆」專一

藝人王浩信昨日出席寶馬香港50周年新車活動，身為愛車之人的他稱自從有了小朋友後，變得注重駕駛的安全性。問到會否買兩部車方便兩公婆出入？他說：「未必，YoYo（陳自瑤）都驚揸車，所以比較少揸，佢（囡囡）盡可能由我接載，但近日開劇都要交託畀YoYo照顧。」問到以前有否溝女戰車？他說：「我從來都冇，我份人比較實際，一架車可以揸6、7年，壞咗先會換車。」他又表示閒時會揸車帶女兒郊遊，但近日要開工，最近一次去郊遊是個多月前。豈不沒時間去暑假旅行？他說：「YoYo同咗佢去旅行，同埋一啲Family去。（你冇去，囡囡有冇扭計？）冇，佢好乖，早排唔使開工，日日屋企陪住佢，佢都見到我飽晒。」他稱女兒會畫畫送給他，至今已收到一百幅女兒的作品。