證實Grace請假 樂易玲：結婚都係一日！

無綫高層樂易玲昨晚出席無綫活動，被追問有關鄭嘉穎、陳凱琳（Grace）的婚期，她即場打電話check，之後說：「Grace的確喺3月請咗8月嘅假，已經批咗，佢仲話會約埋嘉穎同我傾偈，但嘉穎都未返香港，初頭都唔知乜嘢事，依家都知，聽同事講，同一時間都有啲同事請假。（邊個請呀？）都係嘉穎啲好兄弟、姊妹咁，個假唔長好短，不過結婚都係一日嘅啫！（仲話會喺峇里過埋嘉穎生日喎！）係喎，所以開頭都唔知乜嘢事，以為慶祝生日，不過，結婚都係你哋講，要等嘉穎返嚟，同我食飯先可以證實。」