唐詩詠：三個月後先問

唐詩詠被追問陳凱琳是否有孕，一味話「唔講得」。

「嘉琳」被本報率先爆結婚趕生B，近日更傳出Grace已懷孕，雖然當事人否認，但有爆料者指她在母親陪同下，三次現身九龍法國醫院產檢。昨日又有知情者透露，本已打算結婚生B的Grace於7月初發現意外懷孕，第一時間致電嘉穎報喜得天賜的禮物。而連日來都大方回答記者問題的Grace父母，似乎迴避被追問產檢一事，昨日未見出入寓所，而Grace亦一直「潛水」。不過，「嘉琳」下月結婚加上嘉穎生日，再傳Grace有喜，絕對是三喜臨門！

「等佢哋親口講」

跟嘉穎因拍攝劇集《鐵馬尋橋》而結緣的唐詩詠昨日出席《瑞士天梭表第18屆亞洲運動會倒數25天》活動，講到Grace做產檢一事，她說：「真係唔知道，我唔敢問，呢樣嘢好敏感，至多三個月後先問。（係咪怕小器？ ）我真係唔知道，唔敢亂問，世界上得佢哋兩個先知道。（有人爆料話Grace去做咗三次產檢喎！）等佢哋親口講，我唔信傳聞。」

攞5日假隨時候命

問到是否將在婚禮中擔任兄弟？她笑說：「我唔知成件事呀，交畀佢哋處理，等佢哋出聲，我只會乖乖聽話。（已準備起程？）未呀！身為朋友淨係聽指引，要我即刻飛，我咪飛囉！」又坦言每個月都會向公司申請假期：「8、9月都攞咗長假，分別攞咗5日。（12號都攞埋？）係啦，攞咗5日囉，邊日就唔講啦，係自己放假，唔可以講咁多。」又叫大家給予二人空間，亦不覺得「嘉琳」低調處理婚事會影響身邊朋友：「做朋友嘅要兩肋插刀。」當追問婚禮細節時，她說：「你知我唔講得o架！」至於同場的高鈞賢已有3年沒在港公開露面，有意回港拍戲，又指跟拍拖4年的女友感情穩定。

周志文（右起）、唐詩詠、高鈞賢及黃靜藍同出席活動。	陳凱琳與父母都「潛水」，未見出入寓所。	陳凱琳被傳佗B，咁鄭嘉穎好快就有BB抱。