胡定欣擇偶不限年齡認張振朗傾得埋
無綫劇集《宮心計2深宮計》暫時成為今年的劇集收視冠軍，胡定欣聯同馬浚偉等演員出席祝捷會，單身多時dry爆的她被爆與張振朗發展「姊弟戀」，她笑說：「個個朋友都係緋聞對象就好唔得閒。」但讚對方有上進心，又稱找男友年齡不是問題。
演員胡定欣、馬浚偉、劉心悠及馬國明等昨晚在將軍澳電視城出席劇集《宮心計2深宮計》筵開12席的祝捷會，慶祝劇集至目前為止成為2018年收視之冠，全劇平均「7天跨平台總收視」有28.6點，大結局更錄得35.6點好成績，在內地騰訊視頻國粵語播放量更超過35億，高層杜之克祝酒時揚言明年無綫會開拍五部合拍劇。
「唔好剝削做朋友機會」
定欣最近與張振朗欣賞單立文的搖滾騷而傳「姊弟戀」，對於傳媒恭喜有新戀情，她笑說：「呢單新聞好好笑，唔係真嘅，大家聯想多咗。」她指二人合作《包青天再起風雲》而認識，合作得很開心，讚對方是新一代好演員而且很有上進心，但講到發展機會，她說：「唔好將所有朋友都列入緋聞裏面，我就嚟冇朋友。同佢都傾得埋，係朋友、同事，大家唔好剝削咗做朋友嘅機會，個個朋友都係緋聞對象就好唔得閒。」又否認送蛋糕賀對方生日。
馬國明多謝心穎
其實定欣一直希望遇到合適的人拍拖，認為年齡不是問題，最重要是溝通，她自爆：「好耐之前試過有段關係對方細過我，蘇民峰都話我面相強，適合年輕啲嘅人。」
同場的馬國明則繼續對好友鄭嘉穎的婚事守口如瓶，對於有傳陳凱琳現身醫院做產檢，他繼續以「唔知」回應，又否認日前在big big channel活動上快閃是避傳媒：「冇避呀！之前都同公司講咗開工要早走，一場誤會。多謝佢（黃心穎）幫我頂咗，都係佢講我先知。」