森美窄身制服加襪晒Body！
藝人森美、黃翠如及江嘉敏等昨日出席無綫新劇《過街英雄》造型，首度擔任男一的森美飾演老鼠俠，會有着制服的戲份，更笑指叫服裝部改到盡量窄身：「全身都有着衫，但盡量窄身，Show body，我仲叫畀多對襪我，我聽見話碧咸、方力申拍啲內褲廣告都要加對襪，要露吓老鼠仔嘛！（擺邊呀？）擺邊我唔知呀，我都驚擺錯！」劇中他會慢慢變成老鼠，故要特技化妝，至於有否需要再操肌？他笑指不用，因現在「呃得吓人」！
江嘉敏短髮變師奶
飾演警察的翠如將與森美有感情線，當聽到對方毋須除衫演出，即笑說：「你唔使除衫咩？好似我同你一齊除喎！」至於江嘉敏為劇集剪短髮，朋友反應不錯，唯獨媽媽指她似師奶，搞到足足一星期沒出街！飾演貪錢港女的她被問是否做自己？她說：「唔係！我都唔買名牌嘅！」她與周志康有感情線，未知有否親熱戲，笑指若拍色誘對方的戲都冇人想睇。
