蔡一鳳疑佗龍鳳胎

前亞視高層盛品儒昨日現身書展支持出書的葉家寶，提到已懷孕7個月的太太蔡一鳳早前在倫敦的酒店走火警，已兩星期沒見太太的盛品儒直言很掛念太太及BB，並洩露了BB性別：「過多兩個月就知，有男有女。（龍鳳胎？咁應該掛住三個人。）畀你哋陰到。（一胎就可以收工？）唔係，遲啲如果經濟許可就再生，我都係打工咋！（遺傳定係人工受孕？）唔係人工，我唔知係咪遺傳，不過我阿爺好生得，可能隔代遺傳。」但轉頭他卻改口不認是龍鳳胎，並故弄玄虛說：「當住一個先，有多一個就係Bonus，可龍可鳳！」至於蔡一鳳昨回覆時繼續口密，表示「到時公布」。