譚俊彥冇錢交租堅拒狄龍救濟

出道18年的Shaun從影以來，知名度未能突破父親，直至兩年前加入無綫後即受重用，接連主演劇集《天命》、《特技人》及《包青天之再起風雲》，齣齣孭重飛。不過日前他接受電台節目主持梁泰來訪問時，自爆曾窮到付不起屋租，曾有人提議他向父親求經濟支援，甚至狄龍也開口出錢助他，但Shaun堅拒「靠父幹」：「如果爸爸係電影公司老闆就唔同，可以開戲畀我做男主角，搵人捧紅我，但事實證明，就算爸爸拉線都未必得，點可以攞爸爸啲積蓄嚟賭？作為一個大男人，點好意思開口話：『我冇錢，可唔可以畀錢我？』況且（開戲）未必一定賺錢。」

老闆斟戲要求父子檔

昨日重提窮到燶的日子，Shaun直言是在台灣初拍劇時期：「嗰時每日食杯麵、食平嘢，捱過嗰段日子後，搵到錢又試過亂買嘢使晒，真係冇錢交租，要賣錶，經過呢次後就知道要儲錢。（爸爸諗住出錢畀你拍戲係幾時嘅事？）好耐，2003、04年，佢覺得拍劇不如自己（開）拍，當然冇做到，我覺得唔係一個可行嘅做法。」他又指兩年前有些公司老闆跟他談合作，由他執導，但要求有狄龍演出，Shaun說：「又搵我老竇？我梗係冇咁做，唔想佢辛苦。（好感動爸爸咁錫你？）點講呢，錫不嬲都錫，覺得唔想成日搞到佢啫！」

對太太「一見鍾情」

另外，提到與太太任祉妍奉女成婚，他指兩人因拍內地劇《冰酒窩》互生情愫，笑言一見太太時已幻想對方做女友會點，兩人拍拖時，曾浪漫到在新疆睇星星，他又放閃讚太太不計較婚禮規模及沒有度蜜月，只簡單簽字及戴上戒指便願意跟了他。