藝人劉佩玥（Moon）昨日舉行新書簽名會，表示一直想在30歲前出書，幸而得到公司支持，故趁黃金空檔完成心願，下月就為新劇開工。圓夢的Moon坦言很開心及難得：「今日揸揸吓車突然喊，因為爸爸講起，爺爺當年都係自資出咗本書，仲話爺爺會為我感到驕傲。我會同爺爺一樣捐30本書畀圖書館。」說時一度感觸哽咽：「啲人問我點解唔搵人寫序，我覺得要搵個最了解自己嘅人去寫，第一個就諗起我爺爺，但佢已經唔在世。雖然寫作過程佢唔喺我身邊，但畀到好多力量我，屋企人有講笑咁話使唔使燒本書畀爺爺。」
