千嬅柏豪去飲戒唱失戀歌
藝人楊千嬅與周柏豪近日合唱新曲《背後女人》，昨午舉行記者會即席獻唱。談到歌詞出自柏豪手筆，千嬅即大讚用詞「斯文」：「如果換轉真係Women's talk，講男人嘅說話應該出唔到街。唱咗呢首歌後，以後出席婚宴應該多咗選擇，我試過喺婚宴上被要求唱《小城大事》，完全唔啱場合。」柏豪亦說：「我試過去歌迷婚宴，佢要聽我唱《百年不合》，我梗係唔肯啦！」
兩人希望透過新歌提醒愛侶「毋忘初心」，問到現時出門返工，是否還會與另一半吻別？他們齊齊放閃，直言是「指定動作」，千嬅更說：「我同丁生溝通特別啲，佢成日窒我嘅，但我OK喎！（今年佢生日點慶祝？）畀唔到驚喜佢(0架)，佢會講明要邊款蛋糕、去邊度食飯、食乜Menu，一貫嘅控制，我又拍緊戲，睇吓點先啦！」