「人魚崔碧珈」何泳芍走出自卑：黑不是罪！
應屆港姐入圍佳麗「人魚崔碧珈」何泳芍（Honey），憑豐滿身材率先跑出，惟她昨日發文訴心聲，指已有心理準備承受外界對其膚色的評論，但強調「黑不是罪」，獲不少圈中人出言力撐。
任職潛水教練及模特兒的候選港姐Honey，自小熱愛水上活動，曬得一身健康膚色。不過，她昨日在社交網發長文，坦言不少人對膚色黑有所誤解，更曾因而感自卑，幸好後來學懂欣賞這個獨特之處，即使參選港姐可能會面對有關膚色的評論，但仍鼓起勇氣：「我希望今次參選可以改變到一些人對黑皮膚嘅想法，希望有年紀輕嘅女孩睇到我之後，唔會再驚因為曬黑咗而畀人笑。」更強調「黑不是罪」，不要因別人的評價而放棄自己喜歡做的事：「自信和快樂的你才是最美的你。」
鍾舒漫力撐：欣賞自己
此文一出即引起網民熱話，連圈中多位擁有健康膚色的藝人亦力撐她！鍾舒漫受訪時得知Honey曾因膚色而自卑，即鼓勵說：「唔知佢係咪聽過唔好嘅說話，但做人要識得欣賞自己！如果要討好人哋而活，會有好大壓力。」又指小時候亦曾被朋友、同學取笑，但沒有不開心。
鄧穎芝接多咗Job：望落健康
鄭融亦認同指最重要懂得欣賞自己：「前港姐冠軍朱玲玲都係古銅膚色！做運動會容易曬到較黑，但最重要接受自己、搵到自己長處，小小挑戰都係一個學習好機會。」鄧穎芝亦坦言初入行時，公司叫她不要再曬黑：「因為要麻煩工作人員打燈！其實喺工作方面冇受影響，反而膚色黑望落健康、有活力，接多咗健康產品嘅廣告。」