張秀文喪咳焗照肺「封咪」恨濕身
「無綫咪神」張秀文昨日以背心短褲清涼打扮，與周奕瑋到薄扶林為游泳比賽擔任司儀。問她是否準備好下水？她笑說：「我都想呀，不過咳咗成兩個星期，夜晚都瞓唔到，尋日先畀醫生『照肺』，因為怕係肺癆。（醫生點講？）佢話係氣管敏感，所以都要吸藥，要保護好氣管。」提到因病「封咪」，她說：「冇特別諗喎，工作需要先算。（病咗有冇減磅？）唔好講減磅喇！反而仲腫咗，好嬲！」
而「日本達人」周奕瑋除忙於準備年底的日本旅遊節目，最近亦為big big channel拍攝短片化身「孤獨的美食家」，日文雖然難不倒他，但他自認眼細，令眼神演出美中不足。
