唐詩詠玩波拋胸飛Bra
藝人唐詩詠與伍樂怡昨午到將軍澳出席足球活動，玩遊戲時相當投入，詩詠俯身晒出事業線兼露Bra邊，而伍樂怡則失守露胸墊，熱力非凡！二人又對本屆世界盃四強各有所好，前者支持英格蘭，後者則是法國擁躉！
詩詠笑指一直對球類運動有偏好：「鍾意打羽毛球、乒乓波，小學會陪哥哥去踢波，細個會陪爸爸睇波添！（球場上試過暗戀人？）冇喎！反而係我阿哥提起試過有人嚟打交爭場，我唔怕死衝埋去同人講：『唔好阻住我踢波。』我阿哥即刻抱我走開！」
她直言擇偶對象要陽光型：「郁吓、做運動嘅會好啲，不過我嚟緊開劇開半年，可能10月去澳洲外景，睇吓有冇適合嘅。（異地情？）只要係中國人同聲同氣就得，老外我唔係好啱。（大過你好多呢？）唔會用年齡去衡量愛情。」
談到近日有人透過社交網交友受騙，她說：「我有朋友試過上社交網識人，成功仲結埋婚，不過我嘅性格莫講話上網，面對面介紹個人我識，我都會有啲抗拒，咁我暫時亦未有咁嘅需要（上網識異性）。」
