美國動作巨星狄維莊遜（Dwayne Johnson）與台灣女星昆凌等來港宣傳荷里活新片，狄維向主持鄭裕玲誇口稱聽得明廣東話，原來得啖笑！
《高凶浩劫》（Skyscraper）全球記者會昨日在香港舉行，狄維、昆凌、加拿大女星莉芙金寶（Neve Campbell）、新加坡男星黃經漢、華裔男星文峰、童星McKenna Roberts和Noah Cottrell，連同導演Rawson Marshall Thurber比原定時間遲約一小時現身。
狄維非常風趣，介紹時指自己是男星丹素華盛頓（Denzel Washington），又向司儀鄭裕玲（嘟嘟）誇口說：「你可以用廣東話或者國語問我問題，我聽得明！」嘟嘟用廣東話問他做了甚麼準備來演繹跛了腳的角色，他「九唔搭八」回答：「當我自己是全世界最性感男士！」嘟嘟立即說：「喂！我唔係問緊呢個問題！」
之後狄維正經回答：「今次原創劇本好特別，當導演同我講，角色只有一隻腳，我覺得係好大挑戰，用咗好多時間去探訪受傷嘅人，去了解佢哋，呢個係我最難忘嘅角色之一。」
昆凌以英文與普通話說：「我愛香港，好開心可以嚟到，希望同大家分享發生喺香港嘅故事。」被問到首次拍荷里活片有何感覺？她說：「好開心，可以同好厲害、好有才華嘅演員合作，對我嚟講就好似一個學習機會。戲入面要同莉芙喺好窄嘅車廂入面打鬥，訓練咗成個月，莉芙好好人，打得好開心。」