藝人陸永昨日到主題公園出席活動，推動校園關愛文化，又做大笑瑜伽為學生打氣，他指學生時期曾擔當關愛大使的角色：「有個同學被唔同嘅事困擾，萌輕生念頭，我就決定每日都陪佢食午飯同傾偈，好彩佢最後走出陰霾。」他又分享教女心得，就是將心比己：「例如當大女Hannah失落時，我會引導細女Sim Sim聆聽家姐嘅煩惱，激發佢嘅同理心，依家兩姊妹嗌交後會主動和好，我好安慰。」
