鄭少秋陶大宇父子重聚「爭o靚」

藝人鄭少秋繼經典劇《大時代》後,再與他的「蟹仔」陶大宇合作,演出ViuTV新劇《詭探前傳》,兩父子今次在新劇會大鬥法,演茅山師傅的秋官,將與「黑幫大佬」大宇「爭o靚」,對手戲不少。

由於劇本題材新鮮,先後吸引到兩位資深藝人加盟演出,大宇說:「個古仔都幾有趣,自己未演過呢種角色,幾有新鮮感,加上有『老竇』(秋官)參演,更有興趣啦!」至於秋官則大讚有「蟹仔」參演是畫龍點睛:「梗係好開心,上次同佢合作《大時代》幾開心呀,呢個醒目仔嚟o架,好識做戲,有佢參演成個戲加分到爆棚!」