劉雅麗墮四呎高台拗柴斷骨

劉雅麗完騷後展示傷腳，求醫後發現腳趾骨折。

照着高踭鞋跳舞

前晚完騷後她的右腳掌腫起，換上拖鞋一拐一拐步出，並坐定定接受訪問，她笑說：「頭先都要又唱又跳，啲人以為我着住四吋高踭鞋論盡囉！愈夜愈痛，臨尾唱《夕陽之歌》要逐步行上去，入到後台即刻敷冰，聽日先去睇醫生針灸。」

劉雅麗指還有六場演出要應付，會換上較矮的三吋高踭鞋上陣，她笑說：「我行走江湖20幾年，未試過咁渣，開騷前拗柴，今次係第一次。做戲失聲就試得多，拗柴係第一次。」譚偉權說：「綵排時啱啱唱完《有心人》，我叫住佢唔好行前呀！」她說：「係呀，我已經見到前面有紅點，即係邊嚟，但都繼續踩落去。」

關寶慧屢被點錯相

撐場的關寶慧與她除了是同學，多年來更因「撞樣」不時被友人認錯，十分搞笑，稍後會演出對方監製的舞台劇。至於陳煒表示對梅艷芳與張國榮的歌曲耳熟能詳，專程來捧場，問可有興趣演出舞台劇？她笑說：「馬浚偉依家做緊舞台劇，佢有叫過我一齊做，但係度唔到期，樂易玲已經放咗胡定欣做，唔會兩個都放晒。」

劉雅麗行路時要人攙扶。	陳煒與姜皓文抽空捧場。	關寶慧原來是劉雅麗同學仔。