馬浚偉邀任幕後李明蔚重燃鬥志

抗癌歌手李明蔚（Sarena）近日獲好友馬浚偉邀請，擔任舞台劇幕後助理，趁機宣傳其手作，她說：「佢專登畀呢個機會我睇吓舞台劇運作，令我感受到背後嘅製作團隊點樣用心編排，真係居功唔少，所以今次都獲益良多！」
李明蔚與主角胡定欣及馬浚偉有不少交流。
李明蔚與主角胡定欣及馬浚偉有不少交流。

她透露患病後覺得頓失人生意義，猶幸有馬浚偉支持，令她重燃希望：「真係好多謝佢一直以嚟嘅支持同愛護，因為會覺得自己失去工作能力，有種好無力嘅感覺，但係今次參與幕後，發覺原來自己唔係想像中咁冇用，要相信自己，亦要有所希望，凡事先可做到。」她透露馬浚偉謝幕時特意向觀眾介紹她，藉此給予支持，令她相當感動。

患病的李明蔚參與幕後工作，重拾自信。
  • 患病的李明蔚參與幕後工作，重拾自信。