釗峰隱藏性格大爆發

男兒有淚不輕彈，但感性的釗峰每當憶往事就變喊包。

組合C AllStar休團後成員各有發展，動向依然受樂迷關注，單飛的釗峰率先推出第一首主打歌《月亮不代表我的心》。談到當中含義，他希望大眾可以釋出眼淚，不要抑壓內心情緒，亦想讓樂迷看到不一樣的他：「好多人覺得我唱煽情嘅歌比較拿手，但今次係我第一首派台歌，都想畀另外一面人哋睇，好似月亮咁，光嗰面當然畀大家留意，但其實仲有唔同一面未畀人見到，作為一個獨立歌手，應該全面咁去示人。」他又坦言單飛後，才發現自己一直依賴其他成員，希望可以繼續保持真我，毋忘初心。

• 釗峰放下四位一體的日子，開始單打獨鬥。

諗起傻事流眼淚

新歌關於眼淚，釗峰指C AllStar成員全都有感性一面，又踢爆陳健安（On仔）為人驚青：「唔好睇佢咁大隻，有次佢買咗新相機，點知影影吓，突然有隻嘢飛咗落佢隻手，佢望一望係蜜蜂，之後成部新買嘅機掟落地下，真係好好笑！」講到自己，他坦言很容易感性落淚：「我會經常諗番以前嘅事，同埋掛住自己做過嘅傻事。」

https://bit.ly/2KxUQux