周奕瑋劏吞拿魚要師傅傍住

無綫藝人周奕瑋（Jarvis）日前代表代言旅行社飛往日本關西拍宣傳片，趁機往和歌山的黑門市場閒逛：「呢度最出名係食吞拿魚，同埋睇師傅嘅表演。負責人知我由香港嚟拍嘢，就好客氣咁畀我體驗吓劏吞拿魚，雖然只係簡單咁開咗幾刀，同埋隔籬企咗個師傅喺度幫手，但我都好大壓力，因個刀口得1cm左右，我要用把刀好精準咁一下劈落去，外面仲圍住好多觀眾。」結果Jarvis不負眾望，雖然落刀稍有偏差，要師傅執手尾，但總算沒糟蹋昂貴的吞拿魚。