劉心悠入宮進修考完牌再打過
劉心悠首次與無綫合作，其古裝扮相令人眼前一亮，然而拍港劇要挑戰廣東話對白則似是「考牌」。心悠直言等待這個機會多時，今次演出如修讀「黃金雞精班」獲益良多，望能夠挑戰打女角色，與電視劇觀眾再見面。
甜美可人的劉心悠首次參演TVB電視劇，在《宮心計2深宮計》飾演宮女，與小花黃心穎的「雙心組合」相當搶鏡。心悠說：「同TVB合作係夢寐以求，今次終於心想事成拍港劇，除咗古裝仲有好多第一次，感覺好新鮮。」還表示參演前獲不少朋友提醒：「開頭都有少少擔心，但拍劇就好似馬拉松咁，相信自己可以做到嘅！」
粵語對白考起
心悠在內地亦拍過電視劇，《步步驚心》就是其代表作之一，談到今次演出可有困難？她說：「語言同故事都有唔同，最深印象係一部拍得好凍，《深宮計》就拍得好熱！港劇嘅拍攝進度緊湊啲，亦可以話係Chur啲，不過都唔似傳聞咁辛苦。今次拍攝時間都長，36集拍咗半年，係一個耐力賽，加上好多文謅謅嘅對白，講廣東話對白都好『考牌』。」
乘機盡展身手
心悠應總監製梅小青邀請參演，對方請她儘管提出要求，她當下不客氣說：「咁難得小青姐畀機會我講，咁我都講想展現身手，就話想耍劍、爬樹同埋踢腿，最後小青姐都安排晒呢啲戲畀我演。（要求靚仔拍檔？）又冇要求喎，但蕭正楠都幾靚仔嘅！」並笑言今次拍港劇如完成了一個訓練班，在劇中獲得不少難得的經驗，希望能再與TVB合作，嘗試打女角色。
服飾：＠ground zero
髮型：Eric Chow＠Xenter
化妝：Annie G.Chan＠Annie G.Chan Make-up Centre