唐貝詩考入北電磨練演技

藝人唐貝詩(Lydia)近年進軍電影界,最近喜獲北京電影學院(北電)取錄,將到當地入讀為期一個月的暑期演藝課程,她說:「其實上年已經取錄咗我,但當時拍緊戲就冇去。入北電係我嘅夢想,佢係全國排名第一嘅電影學院,好多藝人都喺北電出嚟,所以一直好想去體驗,對我嘅演技好有幫助。」

除了讀書外,剛簽新電影公司的Lydia透露獲安排到北京時見不同劇組。問到心情如何,她笑言平時予人開朗外向的感覺,但其實十分怕生:「好緊張!我有啲抗拒識新朋友,而且佢哋全部係講普通話,怕溝通唔到!不過我覺得做人要走出自己嘅舒適區域,愈係恐懼就愈要去克服。」