林夏薇學做煮飯婆冧老公補數

嫁畀佢係前世修來嘅福分。

無綫花旦林夏薇與有米老公莫贊生（Jason）結婚時，外間以為她會疊埋心水做少奶奶，豈料比以前更加忙，婚後劇接劇如《乘勝狙擊》、《逆緣》及《十二傳說》等，最深印象是拍攝《十》劇時橫跨多個大節日，連坐埋吃一餐飯的時間也沒有！當時她打算待聖誕過後趁空檔燭光晚餐補數，豈料又要突然趕返公司開工，她說：「真係要讚我老公，我一做嘢百分之二百投入，直情好似斷六親咁。嗰次諗住可以一齊食餐飯，我老公都好開心，點知餸都未嚟就收到電話要走，掉低佢一個人食，覺得佢好慘！好彩佢冇嬲，仲叫我食少少先去開工。」

對於未能好好陪老公，身為人妻的她一直心存歉疚，故一有時間就會做「煮飯婆」補償：「自己煮嘢唔係好叻，會做『網絡廚神』，上網學吓煮啲嘢畀佢食。見佢食得好開心，樣樣餸都話鍾意食，有時夜晚要去應酬但都專登返嚟食完飯再出去，佢真係100分老公，嫁到畀佢係前世修來嘅福分。」

睇喊戲戥老婆慘

雖然身份已不同，但林夏薇卻愈來愈愛演戲，問到拍攝親熱戲時會否有顧慮？她笑指不會，自言是專業演員不會多想：「諗多咗反而真係會尷尬！」更不會逃避不讓老公看其親熱戲，反而會逼睇，她笑說：「因為呢啲係我努力成果，佢要支持我！我老公都話我變態，點解要逼佢睇，哈哈，但佢又冇乜嘢，反而見我拍喊戲就會唔開心，佢投入咗落去：『點解我老婆咁慘嘅。』」

放大圖片	林夏薇一得閒就去買餸，下廚餵飽老公。	林夏薇讚老公大方又細心，還不時送驚喜。