簡幗儀杜拜過齋戒沙漠捱餓

作為設計師的Lilian一手包辦寫真造型，性感中見優雅。

簡幗儀今年推出第四本寫真散文集，內有逾30個造型，除以水着騷事業線與波邊外，還有在浴室玩濕身等。Lilian透露今次寫真主要在杜拜取景，再在香港補影，部分更在其香閨拍攝。她稱杜拜之行尤其難忘：「我哋喺沙漠影相，熱到就嚟中暑，加上當時杜拜係齋戒月，日照時間唔可以食嘢，肚餓都冇嘢食，公共地方飲水都唔得，冇餐廳開門，一定要返到酒店嗌外賣先有得食。」

兔女郎最性感

寫真中所有造型均由Lilian一手包辦，希望給人時尚感覺：「最性感係兔女郎，雖然唔係露好多肉，但整體感覺性感。有件黑色喱士泳衣嘅側面都開得低，唔止性感，仲好優雅。」她坦言因為工作太忙，原本沒有打算出寫真，後來在出版社極力游說下才同意：「我哋係超級密集咁由早到晚，影足兩個星期，終於完成！仲多相過之前嗰幾本書，好有滿足感！」

Lilian側門大開，意態撩人。

Lilian以兔女郎Look晒長腿。