艾美琦拍6套AV袋20萬
藝人艾美琦向來打扮性感，之前更到日本以廿萬酬勞拍攝了六部寫真AV，當中除了認真「埋牙」進擊那一下，全都打真軍，為了養家，Amy不惜被鬧及侮辱都頂硬上，成為香港第一位AV女。
艾美琦（Amy）每次出席活動都打扮到性感誘惑，昨晚她以一身低胸裙及晒腿出席首映活動，惹來不少龍友拍攝。Amy表示將有份參演此片的續集，感激製作方欣賞她的演技，又指自己喊戲最叻！
借位拍都驚到喊
不過，大家最想看的相信不只是她的喊戲，Amy亦透露今年會與日本女優伊藤多香子推出寫真DVD，因尺度太性感未能在書展出售，她直言寫真DVD是她在日本拍AV時，將一些不算太暴露的鏡頭剪輯而成！她說：「AV已經拍咗，會出一系列，呢本寫真DVD喺日本叫串前寫真，AV喺香港就出唔到街。（有露點？）日本版AV有，動作就係借位，除咗進入嗰下之外，其他都係真做！」她說即使是借位拍攝，但真實感之重令她在現場驚到喊。
太窮要養父母
問到酬勞時，她表示有20萬，但要拍攝六部，每部的男主角都不同，她承認好大壓力，因家人、契哥及經理人都反對，至於契媽黃夏蕙是否知情？她說：「佢未知，其實個個都反對我拍！」事後Amy再接受電話訪問，她直言今次為錢拍攝：「因為好窮，屋企負擔大，雖然三個細佬都出咗身，但都要養父母。」她又指拍攝期間都有被鬧而大感侮辱，更一度匿埋喊：「有一個要我食住糖嘅鏡頭，拍攝者叫我想像嗰支糖就係男性下體器官，我真係做唔到，但為了養家，都冇辦法。」