孫慧雪恨拍激情床戲

無綫藝員孫慧雪與裕美昨日在將軍澳電視城出席七月星辰活動，兩人同是7月11日生日。將36歲生日的孫慧雪8月會與陳豪、李佳芯拍劇，飾演鄭子誠的可愛人妻：「已經有兩年冇拍劇，都有啲驚唔適應，劇裏面要露腿、露肩。」問到身為人妻及媽媽可會接受不了咀戲、床戲？她笑說：「正呀！睇劇情需要，現實中就冇機會啦，拍劇可以激情啲，仲會畀陳豪撩！」她要為新劇Keep Fit：「原本冇乜意欲去減，接到角色之後開始減，老公尋晚喺度食熱狗，淨係畀個包我食，話唔會畀人睇死減唔到喎！」