黎明少影全家福

今年4月底榮升做老竇的天王黎明（Leon），自其唱片公司女助手Wing為他誕下愛女後，昨日首度復工，以年金宣傳大使身份出席「香港年金計劃」啟動禮。事前表明不接受訪問的他，於活動開始前風騷揮手，期間螢幕播放他化身「老黎」的宣傳短片，以老妝上陣與長者大玩紙牌遊戲。之後他在台上自爆拍攝時皮膚敏感，要頂硬上開工。
升呢做老竇的黎明心情勁靚。
升呢做老竇的黎明心情勁靚。

提到今次Leon與一眾演員影「全家福」，問到私下有否影？他即面有難色，明顯講到家人有所迴避，他說︰「全家福係小時候視覺上嘅觀察，因為父母離婚，眼中都係望人哋嘅全家福，但自己就少啲。」分享結束前，主持車淑梅祝賀他升呢做爸爸，他才放下「戒心」面露微笑講多謝。他離場前親切地向傳媒揮手道別，旋即乘車直抵觀塘的辦公室。

黎明化身「老黎」拍攝宣傳短片。
  • 黎明化身「老黎」拍攝宣傳短片。