仔女半夜摸入房 陳茵媺冇晒符

育有兩子一女的藝人陳茵媺（Aimee），昨日出席兒童語言發展活動時坦言，與老公陳豪都很緊張子女的中文：「我都擔心過男仔學語言會慢啲，所以成日上網搵資料同問專家意見。」問到大仔是否識駁嘴？她笑言語言好就自然懂得爭拗：「佢想食曲奇或者上我張床瞓，就會搵好多藉口。」但揚言不會心軟，一切以規矩行先：「佢哋星期五同爹哋瞓，星期六就同我瞓，其他日子就自己瞓，不過都冇乜可能，佢哋半夜就會走入嚟！」