江欣燕胸有危「機」
無綫新劇《十八年後的殺人告白》演員譚俊彥、陳山聰、黃智雯、楊秀惠等，昨日在將軍澳電視城為劇集拜神。一向搞笑的藝人江欣燕，因為要騰出雙手拜神，所以將手提電話攝於胸前，當拜完神後即冒着走光的危險，伸手入胸掏出手提電話，收藏得認真夠密實！
而譚俊彥為角色減磅，幾乎早晚合共跑10公里操弗，他笑說：「角色壞事做盡，每日都係一副『殺人樣』，返到屋企老婆都問我可唔可以開心啲，老婆叫我瞓廳先啦！」雖然如此，但亦冇影響家庭和諧，他反而要求太太多點陪伴，加上觀眾對他在《天命》的演技有讚有彈，故特意找太太來做演技顧問，多作提點：「有啲人覺得我演技有啲誇張，我條眉一用力就會好猙獰，所以叫佢陪我拍劇睇Playback。佢係我演技顧問，亦係我最信任嘅人，會同我講真話。」
楊秀惠速學手語
楊秀惠劇中扮演聾啞人士，事前學了數個月手語，她說：「今次最難係要用眼神去做戲，要花好多時間去揣摩角色。」並透露有場戲被黃智雯闖入更衣室撞正她換衫的戲份，笑言：「為咗呢場戲要操弗，緊張咗好耐，我為黃智雯要着一件保守得嚟又性感嘅內衣。」
而扮演女警的黃智雯結局是全劇最悲慘，角色令她心情沉重，晚晚失眠。