周鎧彤FCup黑仔王 倪辰改露線嚇親Fans

擁有32F豐滿身材的模特兒周鎧彤（Ealies）貌似華姐張曦雯，身材同樣Hot爆，早前遠赴台灣拍攝寫真，以多個不同造型上陣，當然有低胸戰衣騷巨胸！她又到荒野沙漠拍攝但勁黑仔，要去足四次台灣才完成！

周鎧彤指今次找來一男一女攝影師操刀，希望分別拍出歐美風格同女性美感重一點：「拍攝最大難題係天氣，一係暴雨一係嚴寒，取消咗好多次外景！有個造型我已經係冒住雨影，最終都要去四次台灣先拍得晒。（有咩難忘事？）喺台灣不停有艷遇！幾乎每日出街都畀男仔問攞電話！」愛心爆棚的Ealies表示會將寫真收入捐作慈善用途，幫助長者及弱能人士機構。

「翻版薛凱琪」 倪辰Profile 三圍：33C、24、33 身高：1米64	「巨胸張曦雯」周鎧彤 三圍：32F、24、33.5 身高：1米60	周鎧彤

由模特兒轉型做歌手的倪辰（LaLa）今年亦加入戰團，首次出寫真的她行日系路線，最吸睛是泳衣造型，谷盡33C上圍Big到爆！她表示與平日形象不同，差點認不出自己：「我平時唔係行性感，出寫真好多Fans都嘩然，我自己都嚇咗一跳。」

倪辰	周鎧彤身形索到爆，難怪在台灣引仔抄牌！

泳客認錯係薛凱琪

講到今年對手眾多，問如何突圍而出？LaLa說：「我第一次出寫真會多啲新鮮感，會落去書展見Fans，我覺得寫真只係其中一個階段，主要想行唱歌路線。（目標想賣出幾多本？）公司第一批印咗一萬本，希望書展期間可以賣到五千本！」講到長相跟薛凱琪有幾分相似，她笑言由中學開始已經有很多人這樣說，在泳灘拍攝時更有泳客認錯她是薛凱琪，直言很開心跟偶像似樣。