陳慧琳爆蝦餃仔暗戀女同學
歌手陳慧琳（Kelly）將於本月25日在麥花臣場館舉行音樂會，近日積極排練的她透露屆時會換三套歌衫。問到會否讓囝囝們到場欣賞？她笑着答：「考慮吓先，音樂會後會同佢哋去旅行，暫定美國或英國。」
講到大仔劉昇（蝦餃仔）將9歲，Kelly說：「佢仲未識上網，遲啲應該管唔到佢嘞，如果佢拍低我喺屋企着住歌衫練舞嘅片放上網，我實殺咗佢，一係教佢打咗阿媽個樣嘅格仔先得，哈哈！」更大爆囝囝的「秘密」：「佢開始同我講女仔喇，每年開學都有心儀對象，又話女仔搵男朋友易啲，男仔要搵好女仔難喎。（佢鍾意嗰啲似唔似你？）都靚o架，但人哋唔睬佢，佢學期尾就講Bye Bye﹗」