「小丑」喺電影圈捱足幾年，因為肯做肯捱畀佢上到位，今年仲捱到個監製嚟做，連好兄弟「男神」都要聽佢點企埋一邊！「小丑」同女朋友感情仲好好，有事業又有愛情，邊個男人唔羨慕？
點知「小丑」一上到位就身痕，玩到啲關係亂晒龍，唔少圈中朋友都睇唔過眼佢逼走個好女仔！幾年來嘅好青年印象一鋪清，「小丑」變咗追訪對象，終於知道自己玩出火，正所謂知錯能改，醉駕上庭嘅都識執番個乖仔Look，用正氣形象「感動」法官改判社會服務令博谷底反彈，不過做過監製嘅「小丑」可能慣咗要人聽佢講，以前出名捱得嘅佢，問句感情事就上火，仲對住鏡頭爆粗，另一日出活動仲玩隱形，連記者朋友叫佢落車影張相都唔肯，令唔少想幫佢嘅記者朋友都心淡，搞出一場「公關災難」！
