歌手陳潔靈（Elisa）昨日出席活動，談及緬懷舊時銅鑼灣的主題，她指利舞臺前身為歌劇院，不少藝人舉行過演唱會，自己亦不例外：「以前會喺嗰度舉行香港小姐、新秀大賽，至少要排一個星期，依家先至變咗喺電視廠搞。」
她又憶述常與已故填詞人林振強在附近的恩平道用膳，充滿回憶：「隨住時代變遷好多嘢係唔同晒，不過呢度點都係藝術嘅發芽地。」提到7月假演藝學院舉行演唱會，她表示進行得如火如荼：「7月會繼續練歌，今次同時兼顧擔任監製，好彩有團隊幫手。」
