古天樂動粗宣萱求留手

難得再合作，宣萱自爆將與古仔埋身肉搏，令人期待！

古仔於戲內與宣萱扮演一對，而宣萱再次扮演視障人士，她笑言被劇本「嚇親」：「講我哋未一齊前，佢要向我動粗，希望經過十幾年後，古仔識留力啦。（之前被佢傷過？）唔係，只係大家都好投入，唔識得借力，我係用真力，驚傷到對手啫。」而演悍匪的古仔，稍後會在鬧市「打劫」珠寶店。

安志杰爆JC產後食雪糕

至於剛第二次榮升做爸爸的安志杰，全程笑到「四萬咁口」，又讚太太Jessica C.（JC）是Wonder Woman：「佢生咗第二日已落床食雪糕，體質好好，未有留家坐月。（有指佢嚴重脫髮？）我甩得多過佢，錯覺啫。」

張繼聰克服「畏雀症」

同場的張繼聰化了一個「傷面妝」，透露自己患有「畏雀症」，但戲內因查案而要接觸鸚鵡：「驚係冇得解釋，鸚鵡主人叫我放隻手指入佢嘴畀佢咬，話咁樣會親切啲，都痛o架，但都比之前OK咗。」

化了「傷面妝」的張繼聰，與顏卓靈合拍新戲。

安志杰大讚太太JC身體好，唔使坐月。